وياا زقارة بين أصابع بنية !!

تدخين النساء






أكيد الكل مر عليه .. هالمنظر ..
سواء كان بالشارع .. بمجمع .. بمطعم ..
أصلاً صار عند البعض للأسف .. شي عاادي ..
مع انه شي اقرب ما يكون له مشمئز

يمكن أنا لو شايفة ..
وحدة تدخن بمكان عام ..
أسكت ما عليه ..
مهما كان حرية شخصية على قولتهم ..
مع اني ارفض هالشي بتاتاً ..

بـــس
اني أشوف ..
مدرسة ..
مربية الاجيال ..
قدوة الطلاب ..
تدخن
صراحة ..
ما أسكت أبداًاً ..

اذا المدرسة تدخن ..
البنات أكيد أكيد ..
بيعتبرونه شي عادي ..
بحكم ان المدرسة ككل بيت ثاني لأي طالب ..
بس مادري ليش ..
صار الكل يمشي ورا مقولة ..
" كويت فري " ..
لما شفت هالأبلة الي تدخن.. وحدة من البنات قالت هالمقولة

,,

هذا موقف ..

أما الموقف الثاني ..

هو أم ..
كبيرة بالسن ..
مو بذاك الكبر ..
بس بناتها طولها وأطول ..
تدخن ..
وقدامهم .. وعندها ولا كأنها سوت شي غلط
منظر اشتمزيت منه صراحة ..


هذي شفتها بالصالون ..
والزقارة بايدها ..
وبناتها 3 ..
وأشكالهم كبيرة يعني ...
وشكلهم متعودين على منظر أمهم جذي

,,

وهذا بعد موقف ..

أما الموقف الثالث ..

فهذا صار ..
بالأفنيوو .. صوب المطاعم اليديدة ..
شفت بنات .. أكيد وانا متاكدة ..
أعمارهم .. ما تتعدىن الـ 14 ..
كل وحدة الزقارة بايدها ..
وواقفين صوب البلكونة الي تطل على النافورة ..

أنا انصدمت
هذيج أبلة .. ومسؤولة عن تصرفاتها ..
وهذيج أم .. وعقلها براسها ..
أما هذيلا .. حتى كلمة مراهقات ما تنطبق عليهم ..
هذيلا أطفال ..
ومفروض ان أهلهم .. يحطون بالهم عليهم شوي ..

,,

وهذا طبعاً غير التشيش الي بالكافيهات ..
وما خفي كان أعظم ..

بس من وجهة نظري ..

التدخين

سواء كان لرجل أو مرأة ..
شاب أو شايب ..
طفل أو بالغ ..

يبقى مضر ..
ويسبب أمراض ..
وما أشوف فيه أي فايدة تذكر ..
غير انه .. انتحار بطيء !!

,,

ومادري بعد .. جان بشوف نفس هالمواقف ..
ولا لآآ

يسلموو

التدخين عادة قبيحة وتسبب امراض